水警西貢執勤被浪冚中受傷 直升機送院命危

2019年01月22日 11:46
東網電視
更多新聞短片
水警送院搶救。(梁志雄攝)

一名男水警於今晨(22日)11時許,與同袍在西貢大灣沙灘執勤期間,身體不適,同袍即時通知上級,政府飛行服務隊接報奉召到場,將該名水警送往東區醫院搶救,後轉至深切治療部留醫,情況危殆,其親友由警方陪同抵醫院助查。據了解,該名水警隸屬水警東分區,他當時與同袍在海邊涉水而行,期間他被一個大浪冚中,吸入幾啖海水,加上天氣寒冷,因而頭暈不適。天文台資料顯示,事發時西貢的氣溫約14.4度。

北區醫院急症室前主管鍾展鴻表示,若單純飲下數啖海水,理應問題不大,惟現時涉事水警要留深切治療部,情況頗為嚴重,估計最大可能性是如溺水一樣,海水進入氣管及肺部,致出現「唞唔到氣」,情況差的甚至可能出現肺水腫,稱:「其實都要睇番情況,如果海水細菌唔算太多,佢係清醒,本身個肺健康,今次應該都無問題可以捱得過,而佢要住深切治療部,估計都係為安全起見要觀察。」被問及今次事主會否「手尾長」,鍾指:「都唔會嘅,插喉用加壓氧氣幫助呼吸,再用抗生素,等佢慢慢復原,應該無問題。」