女孩擲石拒同玩　B女險穿頭　家長睇見冇反應？

小朋友玩耍難免會發生爭執和碰撞，惟近日有B女欲邀請公園另一個女孩一同玩樂時，卻遭擲石「拒絕」，石頭與B女擦身而過，情況驚險。

有媽媽星期一（21日）在Facebook群組「柴灣人柴灣事」分享事件，指有日與丈夫帶同歲半的女兒到柴灣公園玩耍，惟其女兒將手中的「吹波波棒」遞向公園一名陌生的姐姐時，「大姐姐唔睬都算，仲攞石頭掉我個女！仲要係阿媽冇理過，阿爸講幾句就算」。

影片所見，一顆石頭從B女頭頂一閃而過，險些擲中B女頭部，落地時還發出沉重的悶響。B女的父親急忙拉着她離開。擲石女孩的父親隨即喝斥女孩︰「做咩呀你」。

網民紛紛怒斥危險︰「黐線，真係掉中咁點算，小朋友個頭皮好薄㗎咋」、「嗰舊石頭唔細，好恐怖」、「生完唔教不如唔好生啦」。有網民則提醒家長要小心︰「人哋嗰個管唔到，惟有好好保護自己嗰個」。

---------------

《港呢啲》：大事小事騎呢事，東網嚴謹選題，輕鬆製作！