體育館洗襪兼吹乾　大叔拒認錯︰啱啱洗乾淨

做完運動成身汗，多數人會先到更衣室沐浴，但身上的汗衫又如何處理？近日有大叔在葵涌林士德體育館洗襪後，因用乾手機吹乾而引起他人不滿，爆發衝突。

片段於星期二（22日）上傳至Facebook群組「巴打絲打 Facebook Club」，只見當時有職員在場試圖勸止︰「我哋呢個體育館都係公眾地方，都希望大家用設施時，保持清潔、衞生、乾淨」。

惟大叔情緒激動，反駁指︰「我對襪啱啱洗乾淨，點樣唔清潔先…你件衫夠污糟喇，你件衫咁污糟唔畀入嚟體育館呀」。

有在場男子與其爭辯︰「吹手機攞嚟吹手、吹頭機攞嚟吹頭，你依家攞隻腳對襪嚟喎」。

網民對此反應兩極，有人批評大叔無公德心︰「洗乾淨就得？咁我攞個屎坑洗乾淨，裝飯畀你食，你食唔食呀」；有人則指吹襪僅是小事︰「見過有人吹X毛，又唔着底褲坐喺張櫈度」、「成日見啲廢老喺飲水機吐痰」。

---------------

《港呢啲》：大事小事騎呢事，東網嚴謹選題，輕鬆製作！