6億倫敦金騙局:集團供培訓手冊 教經紀氹客「落疊」

20190124
東網電視
更多新聞短片
集團會為經紀提供培訓手冊。(趙瑞麟攝)
警方今次搗破的倫敦金詐騙集團,根據檢獲的證物顯示,有關集團會為經紀提供培訓手冊,當中列明基本應對及說客技巧,包括「黃金的優點」、「投資黃金的八大好處」,例如「本少利大、容易撐握、可以跟自己意願入市」同時提醒經紀「用善意、誠意、忌爭辯。客係例牌忙,焗佢俾時間你,搵位入,多用反問,引導佢諗。分秒必爭,講到戲肉就即刻約出嚟。」手冊又指導經紀以公司之名加強信服力,「公司有多名專業分析師,用公司名氣俾個客信心,公司規模肯定賺錢。」
手冊內容亦包括教授電話簡單應答,例如若客人稱:「我都冇錢」,經紀便可回答:「咁就啱喇,最驚你話有錢,我只不過畀你認識多樣理財工具。」若客人稱:「無錢投資」,則可回應:「其實投資有多有少,冇咩所謂,好似啲師奶仔咁投資少少贏咗餐餸都開心。我相信我有能力將你嘅資金慢慢由細變大。」若客人表示:「冇時間做投資。」,則可回答:「所以先要一個投資顧問去管理投資。」
另外,集團亦會展示疑為本地報章的副本,內容俱圍繞投資黃金的好處,「未來十年投資黃金遠勝股票債券」、「人人搶買金、生意升三成」、「業界看好牛年金市」,以增強可信性,令受害人更容易墮入詐騙陷阱。