港爸媽去玩　獨留阿B喊到醒　目擊者：佩服

家長在人多擠迫的地方會格外看緊孩子，惟近日竟有父母丟低BB，落場玩機動遊戲。

有網民投稿至Facebook專頁「生仔要考牌系列」，指本月6日中午時分，在主題樂園目睹有父母為了陪大女兒玩咖啡杯，在沒有告知職員的情況下，把BB連同嬰兒車放置一旁。

後來BB突然哭醒，遊戲卻仍未結束。投稿者直斥其父母︰「玩完出到嚟仲覺得一啲問題都冇，真係佩服得五體投地」。

網民紛紛怒斥離譜︰「依家香港都多咗咁多拐帶事件，做父母點可以咁掉以輕心呀？」、「就算係要陪另一個玩，都應該一個大人陪，另一個大人睇住個BB啦」、「任何時候都不應放低BB同幼童自己走去玩……職員不是babysitter（保母）」。

有人表示曾遇過類似經歷，當面對家長講︰「放低唔緊要，有乜損失我哋唔會負責」。

---------------

《港呢啲》：大事小事騎呢事，東網嚴謹選題，輕鬆製作！