政Whats噏:曾麗文補選使約萬元 每票$7.8

20190125
東網電視
更多新聞短片
曾麗文喺補選使咗10,225港元。
上年11月底舉行嘅立法會九龍西補選,候選人嘅選舉開支陸續出爐。喺選舉中報稱無黨派嘅曾麗文,今次補選一共使咗10,225港元,而最終佢亦只獲得1307票,一票大約係7.8港元。但由於佢嘅得票率,不足法例規定嘅有效選票總和嘅3%,所以唔止選舉開支,就連5萬蚊嘅選舉按金會被沒收。
睇番曾麗文嘅開支,有7成幾嘅開支都係用喺印刷宣傳品上,其餘都係影相費、交通費、行政費等等一般開支。而佢亦申報有999蚊嘅選舉捐贈,但就冇標明係由邊個捐贈。另外,佢亦有申報自己有4張單據遺失咗,當中有3張係印刷宣傳品,另一張係運輸費用。
沙田區議員陳國強當時喺提名期,亦有報名參選,但因為喺報名時,冇交到選舉按金而冇得參選。不過佢都有交選舉開支申報,但一蚊都冇用過,連影參選相都冇預先影。