政Whats噏：代長者多X謝羅致光　鄭松泰爆粗

立法會議員鄭松泰今日(28日)喺立法會福利事務委員會特別會議上，批評政府收緊長者綜援申領門檻時「爆粗」，講出「多X謝」。鄭松泰當時話，局長的200港元懲罰金及安排長者見勞工主任，是幫助60至64歲人士搵工措施：「如果我冇聽錯的話，我真係代嗰班長者多X謝佢！」

羅致光隨即澄清：「主席，佢真係聽錯，我冇咁講過。」委員會主席鄺俊宇回應話，事發時聽得不清楚，已經即時要求二人重複及澄清言論，而他們的第二次發言時並沒有任何不當，因此沒有採取跟進行動，他呼籲各位議員即使很不滿，亦要注意言行。

工聯會議員何啟明在會議尾段發言時表示，對於局長提到自力更生支援計劃下，相關綜援申領者2年內可獲最高2000港元的津貼，如補貼尋找工作時的交通費等，何直斥「2000蚊2年，2000蚊夠你搭幾多次車，好笨X，我覺得呢個做法」。委員會主席鄺俊宇一度要求何重複，何重複稱「好笨嘅做法」。