政Whats噏:淨係答無補充 「口吃」鄭若驊成桌遊角色

20190129
東網電視
更多新聞短片
有政黨推出政治桌遊「議事廳狼人」。(郭詠欣攝)
因「放生黎智英、唔告梁振英」而被炮轟嘅律政司司長鄭若驊,上任一年內爭議聲此起彼落,今年農曆新年有政黨推出政治桌遊,將鄭若驊設為其中一個角色,名為「口吃的律政司」,諷刺鄭在任何時候只識答「我無補充」,面對傳媒及公眾時進退失據。
維園年宵市場將於明天(30日)正式開鑼,民主黨創意媒體部今(29日)向傳媒介紹年宵檔主打產品「議事廳狼人」,玩法與普通桌遊「狼人」差不多,但以多個政治人物作為角色,地點則為立法會議事廳。
創意媒體部部長黎敬瑋話,桌遊舊年已經完成設計,估唔到今年都仲啱用,當中鄭若驊角色以佢去年上任初期嘅形象繪製,記得當時鄭因僭建問題左閃右避,答問題「咦咦哦哦」,成日淨係講「我無補充」,無諗過佢識指指點點。