政Whats噏：睡魔急Call　張宇人睜不開迷濛雙眼

都市人生活忙碌，成日都唔夠瞓，返工間中「釣下魚」都好正常。身兼行政會議成員嘅立法會飲食界議員張宇人(Tommy)今午(29日)出席一個頒獎禮活動時，突然被「睡魔」急Call，喺台上影大合照時睜唔開眼，只好向鏡頭報以一個微笑，似乎用一雙迷濛嘅眼睛迷倒大家！

頒獎禮大約喺下午3時左右開始，Tommy作為主禮嘉賓就率先上台就坐，喺等緊其餘近20位嘉賓上台時，佢就開始合埋眼拍手，慢慢身體有輕微搖晃，期間佢一度除下眼鏡拍拍面。之後等齊人影相時，Tommy好努力咁想張開對眼，但力不從心，半開眼兼擠出少少笑容，撐咗唔夠3秒，佢就放棄了。唔知大會攝影師有冇影低佢「最迷人嘅一刻」呢？