政Whats噏：葉劉淑儀辦年貨　野生捕獲城城

今日(2日)是農曆年廿八，大家忙洗邋遢之餘，仲要善用餘下幾日時間，為農曆新年辦年貨及布置屋企。立法會議員葉劉淑儀今日就分享，早前辦年貨期間野生捕獲影帝郭富城(城城)，仲大騷二人合照添！

葉劉就話早前去灣仔春園街同太原街買年花同賀年裝飾，經過賣裝飾品嘅店舖時，竟然有意外驚喜，就係遇到城城，所以就一齊揀賀年裝飾同傾偈。

葉劉透露城城都係去辦年貨，城城仲話鍾意紅絨製作嘅紅燈籠同埋多花樣嘅揮春添。而葉劉更同城城大講電影經，討論城城上年主演嘅電影，因為當時佢同囡囡入場睇，大讚部戲創意十足。葉劉更把握機會，恭喜城城即將再做爸爸，估唔到葉劉對娛樂新聞都咁緊貼喎！