我有正能量：新春換裝 減廢送祝福
20190203
東網電視
更多新聞短片
有環保組織舉辦以物易物活動，反應踴躍。
「買新衫過年」是不少人過農曆新年的習慣，有以物易物組織早前舉辦「賀年衣物任你執」活動，除鼓勵民眾交換衣物，減少浪費之外，亦可減輕長者、低收入人士及家庭的負擔，讓人人都可以開心過新年。組織創辦人慨嘆本港貧富懸殊嚴重，冀活動能推動環保之餘，亦可為弱勢帶來一點溫暖。
以物易物組織「執嘢」於上月中聯同香港綠色建築議會，獲香港賽馬會慈善信託基金贊助及小童群益會大圍分社免費借出場地，舉辦「賀年衣物任你執」活動，場內的物品可謂包羅萬有，衣服、鞋、飾物甚至書本都可找得到。
「今次好開心嚟到大圍舉辦活動，反應好踴躍。」執嘢首席財務總監Sam指，是次活動不涉及金錢交易，任何人想拿甚麼來、取甚麼走都可以，但提供的物品卻有一點小要求，「要預先清潔好，唔可以係一啲私人物品例如內衣褲，一啲太大型嘅物品場地亦都收唔到，簡單啲嚟講就係其他人會用得着嘅嘢先得，千祈唔好要人幫手處理垃圾。」
Sam表示，組織曾到不同地區舉辦換物活動，當中不乏低收入家庭較集中的地方，活動除了推動環保，更希望幫助一眾低收入家庭及兒童，過一個豐盛新年，「我哋接觸好多低收入家庭，好感受到活動對佢哋嚟講好重要，一啲大家唔要嘅嘢可能可以解決到佢哋燃眉之急，畀到佢哋溫暖。」她又指，今次特意於場內提供獨立房間，讓市民將心儀的「二手嘢」放好，「希望佢哋拎到需要嘅嘢返屋企，有間房畀佢哋慢慢執，唔使怕旁人目光。」
採訪當日場內人山人海，小孩可以覓得心愛的玩具和圖書，女士則可找到不同「新裝」，Sam指，這要歸功港人對「二手嘢」的接受程度比過往大大增加，「依家大部分香港人都接受咗『二手衫』，未必係有冇錢嘅問題，而係好多人真心鍾意一啲復古嘢，去日本都會專程去古着店。」她期望將來舉辦更多同類型活動，令更多人減少盲目消費和願意彼此分享。
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！