港故：由零開始重整爺爺武館 專教曳學生
20190203
東網電視
更多新聞短片
武術師傅馬靝樂(Andy)，強調學武是為強身健體及保護自己。(王鏡文攝)
農曆新年，大家一定見過舞獅子的情景，但一隻12米長的巨型獅子，你又見過未呢？
創「巨獅」團結武館
這隻巨獅長約12米、高5.6米、濶2.4米，巨獅創造者、武術師傅馬靝樂(Andy)，在2005年就創造出全球第一隻巨獅，至今已經去到第四隻。他說當年造這隻巨獅，是為了團結武館的徒弟：「呢個巨獅如果你分三排人，每排三個人，當你前排嘅人出力向前，後排嘅人出力向後，大家就會有爭吵，咁樣就真正感受到大家團唔團結。」
學武為強身及保護自己
除了教徒弟團結的重要性，Andy更希望教懂徒弟學武的重點，是為了強身健體及保護自己，並不是要去打人：「好多人學武術，一開始係想打人，否則佢唔會想學，但當佢學完一段時期，我哋做師傅嘅就會同佢講，最主要其實係強身，係保護自己，唔好諗自己學咗功夫就去打人。」
爺爺的遺訓：打理好武館
Andy這種「武德」的教誨，源自他的爺爺馬大英師傅。從小就跟爺爺嫲嫲在武館長大的Andy，深受爺爺的影響，非常熱愛武術，而爺爺亦十分痛錫這位乖孫，臨終前半年更囑咐他要打理好武館，Andy憶述時仍眼泛淚光：「當時我仲好細，十零歲左右，佢一邊教我功夫一邊同我講『樂仔以後武館要靠你啦，搞好個門派，令門派嘅拳術唔好失傳』，爺爺留咗個心畀我，留咗要傳承嘅血脈畀我。」
移民後隻身回流香港
就是這樣，Andy為了完成爺爺的遺訓，即使已經跟爸爸移民美國，他仍不顧所有家人的反對，在1998年隻身回流香港，由零開始重整爺爺的武館。由於爸爸吩咐香港的親友不要接濟他，Andy一開始只好打工賺取生活費，再慢慢儲錢，用了五年的時間，終於儲了幾萬元，和表弟一起重開爺爺的武館：「開武館喺好多人心中，好似係好威嘅事，『你門功夫咁強，收咁多學生，應該有好多生意』，錯喇！其實開武館唔係一門生意，我講嘅係傳承我爺爺交畀我嘅武術，由頭到尾我都無諗過做生意。」
有教無類 幫人為上
不當生意來做，Andy更是有教無類，而且專收一些頑皮的學生，即使學生表明不夠錢交學費，Andy都不計較：「我爺爺教我哋要幫人，如果我唔去教佢武術，佢就會周圍去玩、去撩是鬥非，如果佢要嘥時間喺嗰啲地方，不如我講多啲人生道理畀佢，用時間去磨練佢哋，將佢哋一直去改進。」
熱愛武術 感染華人
這種幫人為上的心態，曾經令Andy的武館陷入經濟非常拮据的日子，但爸爸的一句「都叫咗你唔好搞架啦，執咗佢啦」令Andy更加發奮，不惜賣車及繼續打工去維持武館的運作。他對武術的熱誠，觸動了他父輩的朋友及一些同樣熱愛武術的商人去支持他：「雖然錢唔係多，但係一種精神嘅支持，到我呢一刻，我非常支持世界各地嘅華人，否則亦唔會有咁多人嚟支持我，大家用心換心。」
今集《港。故》用7分鐘，帶大家看看一個武術承傳者，如何由一個招牌，重開爺爺的武館，再團結華人武術界的故事。
-------------
《港。故》：東網每周專題習作，講故事、講香港人的故事。
Youtube：http://bit.ly/oncckonggu_Youtube