政Whats噏︰師奶Look買餸　陳凱欣「揸兜」夠環保

今日(4日)係年三十，唔少市民都一早為餐團年飯去街市買餸，已身為人母嘅立法會議員陳凱欣都唔例外。陳今早到九龍城街市買肉又買菜，身穿粉紅色上衣嘅陳不施脂粉，「素顏」出動，同平時化晒靚妝返立法會相比，今日面色青白，師奶味濃。

陳凱欣又話，預計會用約1000港元買餸。咁佢買咗啲咩呢？佢就話有蓮藕、生菜、豬肉、雞翼等食材。內地非洲豬瘟疫情嚴重，本地屠房初一至初三都停止宰豬，佢有冇特登買多啲豬肉呢﹖佢就話買豬肉多數都係煲湯用，加上「平時鍾意食新鮮(豬肉)」，所以都冇買太多。

曾有報道指陳凱欣買餸自備膠盒，以減少使用膠袋支持環保，今日佢都唔例外，仲準備咗5個膠兜添。