網民熱話：無品單車友租單車還「泥車」　網民：教壞細路

父母教養子女的話題一直是網民討論熱話，愈來愈多人關注家長「言行身教」對孩子帶來的影響，更引發了「生仔要考牌」的言論。日前有網民在網上怒斥幾名家長當住仔女面前，租借單車後還泥車給單車店，更拒絕清洗，被批評是教壞細路。

網民Henry Chau在Facebook群組「深井人」上載了幾張照片。據照片可見，幾個成年人帶着兩個孩子站在一堆單車旁，而那些單車的輪胎都布滿了泥濘。Henry Chau發文講述事件，事發於星期六(2日)晚上近7時，他和朋友經過元朗一間單車店，當時有兩名穿單車衫的小學生推着布滿泥迹的單車過來還車，但遭店主拒絕，並要求他們清洗完才歸還。小朋友離開後，過了幾分鐘再連同數名大人過來還車，而一干人的單車皆布滿了泥濘。

「班大人惡人先告狀話唔會洗車，仲大老闆兩公婆，話以後唔會嚟租，又影相話會放上網唱衰間單車舖！老闆娘激動到喊晒話：『十幾架單車點洗喎！啲泥乾晒好難洗㗎！幾十蚊租畀你哋就搞到咁，叫我幾點收工喎！』」最後Henry忍不住為老闆娘發聲，罵對方「無品」，但老闆娘為了息事寧人，每架車收多$20清潔費便罷了。臨走時，Henry看到那些大人一邊走一邊罵，就又忍不住大聲跟那些小朋友講：「唔好學你哋老竇老母咁無品呀，咁還車畀人！」

其後不少網民皆為老闆娘抱不平：「抵鬧，自私到一個地步」、「咪鬼租畀佢哋，自己整污糟仲咁大聲」。有網民則批評這些大人行為教壞小朋友：「點解香港人會變成這樣，下一代點算」、「正X街父母，自己都唔以身作則，點教細路！」「自私嘅父母，終將自食其果」。不過亦有人認為單車舖租車就預料到這種事發生：「就算唔係行山路，行普通路唔覺意經過個地盤泥氹，都足以搞到架車成轆泥，呢啲完全係『可預見嘅風險』，做得租單車舖無理由唔知。」

網民有話說：

Ah Fei：Henry做得好！

Seven Chan：不知所謂，炒晒落山算啦，無謂留喺地球獻世

Peony Ng：真係好衰格。

Kenny Chiu：成班人人多蝦人少！

※緊貼網民熱話，掌握最熱話題，請關注網民熱話fb：