網民熱話：惡男企門口阻客　髮型師勸讓不成掀罵戰

人人都趕在過年前理個髮，迎接新一年。髮型屋也大排長龍，昨日(4日)一名男子在髮型屋輪候理髮時，疑等站立位置與髮型師展開爭執，雙方「你一言，我一語」，互不相讓，幾乎提早「開年」。

事件發生於天水圍一間商場內快速剪髮店，上載影片的網民指，當時男子站於店舖門口輪候，「之後嗰位職員叫個客人出去等，唔好企喺門口阻住其他客人」，不過此舉卻惹男子不滿，出言謾罵髮型師，髮型師亦不示弱，反駁說：「我依家唔做你生意」，結果演變成二人互罵場面。雙方唇槍舌劍再夾雜粗言穢語，使其他在場人士感無奈，只好默不作聲，現場氣氛十分緊張，直至商場保安到場調停，事件才平息。

網民怒斥男子「為小事聲大大」十分無禮，「依家聲大、講粗口就大晒？」「畀幾十蚊以為自己大晒？」有網民戲謔男子鬧事「唔識死」，「一陣畀人剪到一忽忽，唔好問點解！」「寧得罪小人，莫得罪髮型師啊！」

網民有話說：

Katy Hui：點解其他客人可以咁冷靜？

梁震邦：個師傅幫過我剪頭髮，睇完都覺得係個客有問題。

李玲玲：幾十蚊喺度扮大爺，一定要做你生意咩！

Ming Chan：淨識扮兇狠，嘥氣！

※緊貼網民熱話，掌握最熱話題，請關注網民熱話fb：