市道不佳市民齋睇　鴨寮街攤檔料賺少三四成

不少市民今日(6日)?過利是後到深水埗及旺角等地方逛街消費，深水埗鴨寮街擺滿流動攤檔，貨品甚至堆在馬路兩旁，現場人頭湧湧，氣氛熱鬧。有檔主形容新春假期人流雖多，但旺丁不旺財，大呻市道不佳，大部分市民睇完就走。

平日在玉器市場擺檔的黃小姐表示，每逢新年都會轉到鴨寮街開檔，今年銷情較去年差，料賺錢少三、四成，認為旺丁不旺財，認為去年全年市道不暢旺，今個新年假期大部分市民到鴨寮街只「睇吓就走」，甚少消費。

賣茶葉的張先生亦稱生意一般，較去年差，他特意推出「10蚊一大包普洱」優惠，雖是蝕本價但冀起推廣作用。另有攤檔推售1蚊一枝劍蘭、10蚊一大束百合，市民稱新年前買不到好的年花，路過此地見便宜就執平貨，買了8束。負責人余小姐稱今年天氣暖，年花銷情不佳，故平價促銷以套取現金。

旺角一帶亦遊人如鰂，大部分為旅客，多買波鞋等產品。黃女士帶同內地親友到旺角購物，指已花費幾千港元，多購化妝品、護膚品及球鞋。