公屋鐵閘修4次仍壞　獨居婆婆轟房署懶懶閒

房屋署的公屋維修保養問題多多，繼有承辦商聘請無電工牌的大媽工人安裝電線後，屯門友愛邨亦有住戶指在全方位維修計劃下，鐵閘「整極都壞」，74歲獨居張婆婆兩年前向房署投訴鐵閘經常不能上鎖，兩年間維修4次，現時仍不時失靈，患有心臟病的她擔心會反鎖在家，只能虛掩鐵閘，炮轟房署維修「懶懶閒」。

張婆婆於2007年搬至友愛邨一單位，鐵閘一直使用至今，兩年前發現鐵閘出現故障，曾多次維修，但仍出現上鎖問題，「4、5次先開到一次，好似撞手神咁。」她表示今年1月曾有兩位師傅上門維修，房署及後向她指已更換「鎖芯」，但未曾給予她新鎖匙，質疑根本未有更換「鎖芯」，她引述房署指農曆新年過後會盡快再安排維修，「同房署講個鐵閘用唔到，有咩事點算，佢話有事就報警囉。」

屯門區區議員曾憲康指鐵閘是家居安全的重要防線，如出現問題對老弱婦孺更易構成安全隱憂，他表示曾接獲邨內有一位單親媽媽求助，指鐵閘已先後維修3至4次，最終更換一道新鐵閘，但仍出現鐵釘外露、拉閘不順暢等問題，質素成疑。

至於樂華南邨安華樓有租戶亦指，屋邨兩年前進行全方位維修計劃，工人在外牆維修時竟鑿穿其廁所牆身，她多次要求房署跟進，但只是將該洞臨時封閉，現時不時出現滲水問題，「房署好唔負責任，外判咗啲工作畀人就算，我哋都有交租，但唔覺得係住得人。」