七人車數碼港越線撼貨車　女司機與5乘客俱傷

薄扶林發生交通意外，今早(7日)9時13分，一輛七人車沿數碼港道落斜，至貝沙灣四期對開時，突然失控撞向左邊欄杆，女司機擬扭軚救車時，再越過雙白線，迎撼對頭一輛中型貨車，兩車車頭嚴重損毀。

七人車姓林(37歲)女司機，車內2女、1男乘客及2小童(3至81歲)同告受傷，部分人被困車內，消防員接報趕至，打破七人車尾窗，協助將傷者救出送院。意外後，一名男子聞訊趕至善後。

現場沒有留下煞車胎痕，意外原因有待警方調查。據與七人車迎撼的姓李(56歲)貨車司機表示：「我開車往碧瑤灣，啱啱轉上嚟時，七人車喺對面線衝過嚟，我已經dup迫力，佢撞完欄杆後反彈，前後撞咗我兩次。佢唔似有落迫力，好彩無剷入貨車『頭擔』。」