每日一片：私家車逆線停燈位　拍片者：係新年啊！

Holiday Driver（假日司機）一直都惹人詬病，想不到「新年司機」的違規情況更誇張！今早（7日）網民Nathan Tsoi在Fb群組「馬路的事討論區」上載了一條短片，一輛白色私家車竟在紅磡船澳街與德民街交界的燈位逆線停下，與旁邊一輛奉公守法的私家車一瞥之下，儼如兩輛賽車起步前的狀態，畫面令網民爆笑。

網上流傳的車cam片段未有顯示拍片時間。片段剛開始，逆線的白色私家車與旁邊的一輛黑色私家車，並頭停泊在燈位前。拍片者生鬼地配音：「車手已經準備好，隨時可以起步嘞，大家睇睇！」他之後大叫：「係新年啊！」而涉事私家車一直沒有動作，似未發現自己正在逆線。

其後，拍片者再謂：「恭喜大家新年快樂，新春進步，我哋期待緊有車轉上嚟嘅時候會點呢？」此時，一輛白色7人車駛至黑色私家車後方，未幾，該7人車開始向後褪，拍片者同時道：「司機大佬好好呀，褪畀佢，但係呠極佢都冇反應」，之後語帶驚喜：「佢有反應啦，佢有反應啦，佢有反應啦！」其後燈號轉綠，涉事私家車騎着左右兩線，向前駛去。

網民看過影片，狂嘲逆線司機：「識條鐵咩...未見過停燈位爬前車頭啊！？」有網民則大讚褪車的司機很好人：「讚係畀讓位嗰位司機！」亦有人呼籲拍片者投訴：「1823啦仲等，唔好畀佢再出來害人啦！」