政Whats噏:鍾樹根見證 加州參議員宣誓

20190207
東網電視
更多新聞短片
鍾樹根(右)早前到美國加州出席Bob Archuleta(左)的宣誓儀式。(鍾樹根FB)
前立法會議員鍾樹根早前喺社交網站上載一張同美國加州參議員Bob Archuleta嘅合照,原來鍾親身到美國出席Bob Archuleta喺加州舉行嘅宣誓儀式,樹根話對方係朋友嘅死黨,兩人相識咗兩、三年,咁啱自己去美國考察,順道去見證朋友宣誓。
講起今次美國考察行程,樹根話呢次係首次到美國睇農業,分別到三藩市等多個地方,若然時間許可會去埋矽谷睇創新科技,由於今次行程多多,所以就冇帶太太隨行嘞。
樹根又話,今次考察主要係想睇美國嘅種子同肥料,睇吓有冇乜品種適合引入內地,事關佢依家搞開輔助農業,包括幫人改良土地、化肥、農藥等,分別喺河南、東北、廣東等都有團隊。話時話,樹根冇做議員只係兩年多時間,成日都做「空中飛人」周圍去,似乎轉換跑道後做得甚為有聲有色!