四牛闖梅窩超市食霸王餐　專攻貴價生果祭五臟廟

四隻大牛闖入超市食霸王餐！有東網讀者報料，今晚(7日)約8時半，在梅窩一間超級市場發現有四隻牛在水果部開餐，其中一隻唔貴唔食，正品嘗車厘子，吃得津津有味。

讀者Angel指相片由朋友提供，單憑相片已認出，這批野牛常在該一帶出沒，但第一次見到牠們成功闖入超市，覺得非常有趣，同時盛讚牛牛聰明，識得到超市覓食，「平時有欄的地方，佢哋唔會入到去，今次可能過年執貨無閘，又畀佢哋成功入到去，仲食埋車厘子」。

另有讀者向東網提供短片，片中見到其中一隻牛在雪櫃頭耷耷，不斷覓食，最終搵到生果，大快朵頤，十分滿足。

涉事的百佳超級市場回應指，該分店附近有牛隻聚居，疑牛隻意外闖入，很快便離開。分店已把相關水果銷毁，並已徹底清潔附近擺放生果的貨架，亦已報警，將事件交由警方處理。