砵蘭夜市愈夜愈旺　檔主食客同度「肥年」

砵蘭夜市由大年初一開始至今日(8日)年初四，愈夜愈旺場。在夜市擺串燒檔負責人陳先生指出，他本身做開飲食業，今年以「乜都試吓」的心態第一次擺檔，由年卅晚開檔到初三，每天擺檔18小時，每日瞓得3小時，並稱如不是做開飲食業應該會「頂唔住」，他預計今晨4時許會執拾收檔離開，而現在還未埋數，但相信生意額會頗好，來年會繼續開檔。

另外，擺賣韮菜餅檔負責人何小姐指自己第一次在夜市擺檔，晚上先開檔，她指曾於西貢及青衣戲棚開過檔，今年在砵蘭夜市開檔生意額理想，下年仍會繼續擺賣。多名南亞漢亦在砵蘭夜市擺小食檔，販賣家鄉小食發新年財。

而市民Wesley及Alice稱透過網上資訊及朋友推介，得悉有「砵蘭夜市」，2人今晚空肚不吃晚飯，由港島東專程過來夜市「掃街」，花費約300至400港元，2人並指呢度乜都好食，特別係雞軟骨、烤雞肉卷及關東煮，下年仍會前來。

各小食檔於凌晨約4時陸續收檔，食環署外判清潔工將多個大型垃圾箱推入砵蘭街，開始清理路面。