內地客攻佔北潭凹？廁所門口霸路紮營︰你行旁邊

農曆新年有人會登山「行大運」，冀新一年能事事順境。惟近日竟有內地人在西貢的山路中心紮營，兼疑獨霸公廁，難道想被「開年」？

有網民在Facebook群組「香港行山遠足之友（吹水山谷）」上傳照片，指年初三（7日）到北潭凹行夜山期間，竟然見到有內地人在廁所門口紮營，「仲有廁所都畀佢哋霸佔晒。」他上前提醒，豈料對方反稱︰「你哋可以行旁邊條小路」。

從照片可見，三個營帳分別被安置於石屎路及台階上，附近幾乎沒有空間能讓人通過。發貼者強調紮營本身並無不妥︰「問題係點會紮喺路中心，這是重點」！

網民紛紛怒斥自私︰「下次記得報警！呢啲人欺善怕惡」、「咁樣擋路唔怕畀人?爛㗎」。有人則戲謔稱︰「點解唔包容吓呢啲優質旅客」、「咁近個廁所，唔會覺得臭嗰吓好嘢」。

根據《郊野公園及特別地區規例》，除在指定露營地點外，任何人未經許可，不得在郊野公園或特別地區內露營、建立帳幕或臨時遮蔽處，如有違例，一經定罪可被罰款2000港元及監禁3個月。

---------------

《港呢啲》：大事小事騎呢事，東網嚴謹選題，輕鬆製作！