賭王留院轉入ICU　四房人輪流探望

現年97歲的賭王何鴻燊，自去年尾一直入住養和醫院，11月生日時也在醫院中度過，有消息指賭王近日身體轉弱，需留院轉往深切治療部（ICU）。今日四房成員輪流現身醫院探望他，下午5時許，二房何超鳳匆匆步入醫院，約半小時後，三太陳婉珍亦獨自到達，未幾身穿運動服的何超蓮前來會合，初時趕忙上房未有接受訪問。而黃昏時分，長房孫女何家華急急腳到場。三太和超蓮逗留約1小時雙雙離開，問到賭王留醫ICU一事，三太一臉愕然，身旁的超蓮即代答：「佢唔係，佢休養啫，我哋過嚟?利是，新年嘛。」

至於四太梁安琪約晚上9時抵達，問到有關賭王的病況時，她只說：「冇乜嘢，我嚟拜吓年。」然後便往探賭王。另外，何鴻燊長房女兒何超賢接受電話訪問，亦稱早前曾到醫院探望爸爸：「爸爸耐唔中都會出入醫院，應該冇乜嘢，屋企人緊張佢都會送入醫院，都入咗一排。（幾時出院？）要問醫生意見。（大孫女何家華都有去探爺爺？）佢喺倫敦住，放假都會返嚟探大家。」