政Whats噏:柯創盛百無禁忌 年初三捐血找數

20190210
東網電視
更多新聞短片
柯創盛捐血找數,表情好似好痛苦。(受訪者提供)
今日(10日)係大年初六,立法會議員柯創盛(柯仔)一身螢光綠賀年裝示人,帶同九龍東部分區議員及社區幹事搞新春財神巡遊。着到咁搶眼,柯仔就話螢光綠係佢最愛,件衫更係螢光粉紅色底,可以反轉再反轉咁着,夠晒環保兼包唔撞色喎!不過佢就自爆為咗「找數」,大年初三有「血光之災」啊!
新正頭見血咁嚇人?柯仔就笑住話「百無禁忌」,其實係上月底作感冒喺立法會捐血被「DQ」,所以毫不避忌揀初三去觀塘捐血站捐血「找數」,但竟然人多過平日,等咗起碼一個鐘,捐出嘅血量更係佢人生最多嘅一次,認真「大出血」。
唔止找數,柯仔更係典型工作狂,今年只有年初一放假,初二已開始不停落區同街坊拜年,夜晚就陪太太返娘家食開年飯,但都食咗唔少家鄉潮州菜,包括滷水鵝、韮菜粿及湯圓等。咁有冇肥咗?佢就摸住個肚話「未」,之後就唔知嘞。佢慨嘆今年冇乜賀年氣氛,如果唔搞吓社區活動,請人舞獅或唱歌等,市面可能會水盡鵝飛喎!