政Whats噏：單仲偕新春潛水　孖鯊魚拜年

單仲偕(?雞)冇做立法會議員之後，確實好優哉游哉，周不時同老婆及兩個仔周圍玩，之前去睇過賽車，聖誕節就一家人去咗滑雪，農曆新年又點呢？潛水囉！

講真㗎！佢唔係玩失蹤唔見人，真係去咗潛水，同班朋友一齊去咗印尼四皇島潛水，仲玩足8日7夜添，簡直過足癮呀！?雞仲喺Facebook上載咗相片，話佢哋喺水底同大家拜年，祝大家「豬」事大吉！講到大吉，佢哋都好好運，事關潛落水底時見到鯊魚，喺佢哋前面嗰條就係鯊魚喇。