網民熱話：情人節食「很堅強齋腸」　餐牌創意定牽強？

情人節將至，情侶不免要食「214」大餐，而一眾單身光棍，見到街裏愛人一對對，或會慨嘆旁人談情何引誘！對於餐廳，每年的這個時候，正正就是推出「應節餐牌」的好時機。情侶套餐，未必能撫慰到孤單的心，如是者，單身餐牌就應運而生。近日，一間連鎖食肆的餐牌，就惹來網民熱烈討論，有指其好有創意，但亦有人直言：「都唔襯，又食唔到字嘅！」

根據網民Nick Cat Lau上載到Fb群組「Tai Po 大埔」的圖片，餐牌上有「甜蜜放閃餐」，同時亦有「很想獨自快樂餐」。前者備有「卿卿我我西生菜」、「天造地設牛脷酥」、「情不自禁炒米粉」等14款菜式，後者則有「很堅強齋腸」、「突然好想豆漿」、「一個人的豬紅粥」等6款菜式。

餐牌更有另一亮點，「很想獨自快樂餐」可以「同埋單身朋友一齊食」，買3份的價錢是111元，不知是否意指「三支公」，耐人尋味！

這些名字，引來網民熱烈討論，有人猜測，「因為齋腸係冇伴侶，（所以）要堅強」，「甜甜蜜蜜豆漿同突然好想豆漿，唔通係唔同味？」雖然有網民認為餐牌有心思「唔錯」，不過發文者就毫不畀面地形容餐牌「hea寫」、「嗰啲名要改好啲囉！」有人則發現部分菜式名是改編自一些流行曲歌名，惟亦留言同意發文者：「歌名但唔match，夾硬嚟。」

網民有話說

Grace Wong：情不自禁炒米粉係咩意思？

Ming Yeung Lawrence Choi：突然好想豆漿，應該放喺情侶餐。

Yipwing Koo：我係咪睇緊食神個餐牌﹖

※緊貼網民熱話，掌握最熱話題，請關注網民熱話fb：

http://on.fb.me/1L3m1ro