嫌公園太嘈擾生活　低層戶狂投訴︰我有交管理費！

去得公園玩耍，小朋友難免興奮吵鬧。惟有低層住戶因感樓下公園的小孩玩樂聲太過嘈雜，竟投訴管理處職員疏於管理？

有任職物業管理的網民於上月14日投稿至Facebook專頁「西客之道 HIspitality Secret」，指有中年男子購入屋苑低層單位多年，正對着公園。惟有天下午3時許，正值學生放學時間，該大叔突然走到管理處投訴。

大叔直斥︰「知唔知啲細路喺遊樂場好嘈呀，你知唔知好影響我哋生活㗎。」雖然他大感無理，但亦耐心解釋公園有訂立開放時間，以免影響住戶作息，又指會着同事前往跟進。

豈料大叔一會後再度折返︰「點做嘢㗎你哋，啲細路踢波又唔理，大叫又唔理…我有交管理費畀你哋㗎」、「係咪要我搵你哋經理講，定你哋想我同你哋總公司講呀」，大叔又要求他一同到場「視察」。

最終他被大叔糾纏兩個多小時，慨嘆︰「呢啲係咩神邏輯，細路喺公園玩但唔准嘈、唔准跑」，又指大叔三不五時就會前來投訴︰「如果佢肯讓番嗰啲時間出嚟畀我，屋苑嘅居住環境一定會比依家好啲囉」。

網民紛紛怒斥大叔自私︰「最X憎聽到佢哋話自己有交管理費」、「喺公園玩嘅細路嘅老竇老母夠有交管理費啦」、「買低層唔係應該預X咗㗎咩」。

---------------

《港呢啲》：大事小事騎呢事，東網嚴謹選題，輕鬆製作！