每日一片:綠Van司機心急開車 女乘客跌到企唔到

2019年02月13日 14:51
東網電視
更多新聞短片
女乘客遇上心急司機,結果落車時失平衡跌下。(Facebook專頁「小心駕駛(討論別人駕駛態度)」影片截圖)

揸車切忌心浮氣躁,不過身為職業司機,心急更是大忌。昨日(12日)網上就流傳一段車Cam片,片中一架綠色小巴落客時,疑因司機心急,未落完客便踩油開車,結果一名正落車女乘客失平衡跌倒地上。不少網民揶揄司機心急開車外,更一度將焦點放在另外兩名已落車乘客身上。

涉事小巴是行走青衣長宏邨及荃灣街市街409專線小巴,從片段可見事發於晚上時間,當時一輛小巴駛至青衣青綠街落客時,兩名男乘客率先落車,而最後一位落車女乘客剛踏下梯級,還未「落地」,司機便開車,結果女乘客失平衡應聲仆倒地上,幸她及時轉身,臀部先落地,但衝力下整個身幾乎瞓下,女乘客之後坐在地上,似未能站起來。目睹事件的司機一直在車廂內張望,最後見女乘客未能站起,才落車查看。

網民看過片段後,直斥司機「收買人命」,「真係唔明,綠Van都揸到紅Van咁」 。亦有人為女乘客傷勢擔心,「呢個跌法可以好大鑊...尾椎有可能裂,長手尾」,不過亦有人將焦點放在一同落車的男乘客身上,「有幾多人會好似一齊落嗰兩位咁,食粒花生就走」。