網民熱話：淺水灣驚見暢泳野豬　專家：佢游得快過我哋！

野豬議題備受關注，各界人士紛紛獻計「滅豬」。有人提出將野豬放逐至無人島，惟被漁護署指無補於事，更指出野豬善於游泳。昨日（12日）就有人上載一段於淺水灣目擊野豬游泳的片段，只見野豬「三扒兩撥」在海中暢遊，速度之快與在旁行駛中的帆船不相伯仲！

網民 Jayco Charlie Cheng 於 Facebook 群組「巴打絲打 Facebook Club」上載一段野豬在海中暢泳影片。片段開始，可見一團深色物體於海中心快速移動，拍攝者所坐帆船加速上前，才驚覺是一隻暢泳中的野豬。只見野豬四肢在水中忙着撥水，更不時抬頭換氣，動作流暢之餘，速度亦十分快。

有網民驚訝原來野豬亦懂游水，更指牠們游得比人更快，「游泳選手都冇佢咁快！」不少網民更乘機戲謔「無人島野豬論」，「游得咁快，一日要有幾多班船送番啲豬返去？」「冇嘢食，梗係游去第二度搵啦，豬都醒過佢！」

野豬狩獵隊隊長陳更回覆東網指，野豬游水情況普遍，「通常都係游去第二個地方搵食物，動物嘅天性係咁」。他笑言野豬游泳速度比很多人類都快，「野豬仲識潛水，一下子就游咗去另一度，捉都捉唔住！」

網民有話說：

Waiwai Lam：渡海泳！

楊天恩：又幾好泳術喎，豬仔！

David Cheng：聽人講嘅多，終於有片。

※緊貼網民熱話，掌握最熱話題，請關注網民熱話fb：