政Whats噏:紫嫣俏紅 葉劉和利敏貞襯晒情人節

2019年02月14日 14:31
東網電視
更多新聞短片
利敏貞(右)穿紅玫瑰圖案外套,同紫衣的葉劉(左)好襯。(葉劉淑儀fb)

因為着咗一襲「鳳袍」出席記者會,令商務及經濟發展局常任秘書長利敏貞的衣着備受注目,喺尋日(13日)佢就紅玫瑰上身,好有情人節氣氛喎。

今日(14日)係情人節,新民黨主席葉劉淑儀尋日喺Facebook上載咗張相,係佢同利敏貞嘅合照,相中見到,利着咗一件紅玫瑰圖案嘅外套。

點解會現身新民黨?葉劉話利和同事一齊去該黨總部,介紹聽日(15日)提交立法會財務委員會嘅文件,仲話相信大家見到利一身打扮,都會感受到情人節嘅氣氛。

葉劉都唔輸蝕,着咗一身紫色套裝,佢仲引述利笑稱兩人好合襯,所以佢哋呢對老朋友就影番張相留念!