網民熱話:黑超男鬼祟掉煙頭斷正 網民心涼稱捉得好

2019年02月14日 15:18
東網電視
更多新聞短片
黑超男上車前乘機掉煙頭,被食環署女職員捉到正,出示證件後並作出檢控。( 互聯網)

「清潔龍阿德」密密出場,提醒市民勿亂拋垃圾,但街道地下的煙頭似乎沒有減少。今早(14日)有車Cam拍到一名黑超男邊食煙邊上車,開車前將煙頭掉落私家車門邊,結果一名食環署人員突然殺出,上前出示證件並作出檢控。目擊者笑言:「人在做,天在看!」不少人看畢片段後更表示「好心涼」。

網民Alan Wong將片段上載「小心駕駛(討論別人駕駛態度)」群組,片中兩名身穿黑衣的男女在元朗安信街準備登上私家車。其中戴黑超男司機在上車前「扯多兩啖煙」。就在上車前一刻,將手中煙頭掉在地上,並打算關門離去。就在此時,一名食環署女職員上前攔截。Alan補充,當時警察剛剛行過,黑超男特意「擰轉頭睇吓走咗未,點知冇諗過突然會殺個食環岀嚟!」他又指,食環人員上前「捉煙頭」後,黑超男表現合作,立即出示身份證。

不少看畢片段的網民自言好心涼,眼見黑超男「好鬼祟」,又指他「出得嚟行,預咗要還。」不過,有網民對片中疑單拖出巡的食環人員表示擔心,「單拖,仲要係女,危險啲喎!」有人則反駁:「唔係諗住佢會打食環呀,1500(港元)變刑事。」按法例規定,任何人士若違反《定額罰款(公眾地方潔淨及阻礙)條例》,執法人員可向違例人士發出1500港元的定額罰款通知書。

網民有話說

Ray Ho:其實行多兩步已經係垃圾桶...咁都要貪方便...
Ka Wai Wong:佢心諗,我係咪好有型,嗰條女係咁望實我嘅~扯多兩啖型啲先上車。
Victor Kong:食環做到嘢,加分!

※緊貼網民熱話,掌握最熱話題,請關注網民熱話fb:
http://on.fb.me/1L3m1ro