美女職員照料跌傷婆婆　網民激讚兼要組隊抄牌？

香港每一日總會上映窩心的好人好事！近日大埔有婆婆意外跌倒受傷，獲兩名商場職員細心照料，網民大讚職員「人美心更美」。

有網民在Facebook群組「Tai Po 大埔」發貼，指星期四（14日）路經大埔超級城，見到有婆婆突然跌倒，意外撞傷頭部，「職員迅速到場為婆婆作簡單治理，同埋不斷安慰婆婆」。

從照片所見，一男一女的職員讓婆婆坐在膠椅上休息，女職員又拿着紗布，為婆婆處理頭上的傷口。

發貼者大讚兩名職員：「靚靚姐姐加藍衫哥哥，人美心更美……臨危不亂，畀着我呢啲師奶都唔識得處理」。

網民紛紛祝願婆婆：「早日康復」，有網友更笑言：「呢個Post喺情人節出現，會唔會有一堆單身嘅谷友去超級城扮跌低去抄姐姐牌」、「我唔見咗愛，你可唔可以將你嘅愛分畀我」、「機會係要自己爭取」。

---------------

《港呢啲》：大事小事騎呢事，東網嚴謹選題，輕鬆製作！