你要知:唔聽人講?易發脾氣?分分鐘係成人ADHD患者

20190215
東網電視
更多新聞短片
ADHD不只是一個小朋友的病,成人也有患者。
你身邊總有一位同事,又或朋友,無論你跟他說甚麼話,他隔一會兒會問你剛才說了些甚麼。「佢好似發夢咁,你同佢講嘢,收唔到,聽唔到,慢一兩拍!」或是會無故「發火」,易衝動,「冇時停,得閒走埋你個位同你傾偈!」精神科專科醫生張漢奇解釋,這些人很可能是成人注意力缺乏過動異常症(ADHD)患者之一。在香港,每20至25位成年人,就有1位患有ADHD。
成人ADHD最明顯的症狀是專注力較低、衝動、過度活躍。一般成人坐着30分鐘工作理應沒有大問題,「但我有啲病人,可能坐5至10分鐘都唔得,覺得好悶要伸展吓,去行吓,要同其他人傾偈。」張形容,有些患者像金魚般短暫記憶:「同佢哋傾過啲乜?吓,唔記得咗。」
曾經有患者表示,「去見一個客,傾過啲嘢佢講每一句我都聽得明,但係返到屋企真係唔記得晒,集中唔到。」有些患者誤以為自己記性差,又或被認定多甩漏、心散、無心機而影響工作表現。
除了專注力較弱外,患者亦較衝動,易為小事發火。「但之後就會諗番,點解會無啦啦發咗脾氣?」更有人對排隊非常反感,「排一陣就唔鍾意,或者發脾氣!」至於過度活躍的情況,在小朋友身上會較常出現,成人則較少。
ADHD關係到腦部分泌問題,有研究指出,患者腦前額葉細胞的活動量較少。「定義上,就係睇佢12歲前已經出現咗啲症狀,如果係13歲之後先出現呢,就唔係呢個病!」張指,坊間有ADHD自測問卷,大家只須回答約18條問題,便可知道自己有多大可能患上ADHD。問題例如有:「你會多常因身旁的活動或聲音而分心」、「你會多常在別人忙碌時打斷別人」等等。
有指成人患者的出現,是因「細個唔醫,搞到大個出現ADHD」,其實並不是。從數據上來看,ADHD的患者當中,約3分1人在成年後便「好番冇事」,餘下的3分2人則在長大後仍會受到ADHD困擾。「醫咗唔會減低出現(成人ADHD)嘅機會。」
不少人有錯覺,以為患者只是心散,好少事,甚至「呢個病細路仔先有」。張強調這是錯誤觀念。「呢個病係有得醫,食藥係幫助到個腦分泌,增加集中力,減少其衝動嘅情緒」。惟現時醫學上,藥物只是「治標不治本」,「點樣為之治本呢,就係睇吓小朋友個腦,當佢18歲慢慢好番,咁就唔使睇醫生。」至於成年ADHD患者,可選擇較多元化的工作,有助減低病症帶來的影響
醫生張漢奇更指,成人ADHD或會雙相情緒障礙的症狀相近,「其實係兩種完全唔同成因嘅病,治療方法係完全相反!」前者是「細個冇咁多嘢講,情緒起伏冇咁大,但突然之間出現好亢奮又好抑鬱嘅情緒變化」,後者則是在小時候已有專注力不足及過度活躍的情況。
ADHD患者是多巴胺及去甲腎上腺素不足,吃藥有助補充多巴胺;雙相情緒障礙的患者則要吃情緒穩定劑,令情緒平伏。