政Whats噏:馬時亨自掏腰包 資助教大生海外深造

20190215
東網電視
更多新聞短片
馬時亨(前排中)出錢資助Yvette(後排左三)同Bibi(後排左四)到海外留學深造。(教大提供)
大學校董會主席唔易做,除咗要領導大學發展,亦要關心學生所需,好似香港教育大學校董會主席馬時亨咁,佢就出錢又出力,資助教大學生到海外留學深造,學生如今學成歸來,就可以春風化雨,貢獻社會。
馬時亨今日(15日)同校長張仁良去教大宿舍同11名賽馬會獎學金得獎人茶敍,當中包括兩位教大尖子葉慧儀(Bibi Tayyaba)同梁鈺鈿(Yvette Leung)。巴基斯坦籍嘅Bibi同Yvette先後獲賽馬會慈善信託基金頒發獎學金,令佢哋得以順利完成教育學士學位課程,之後仲有機會到海外留學。
兩位得獎人之所以學有所成,要特別多謝馬時亨,事關兩名學生最初雖有獎學金資助,但仍不足以支付到海外升學嘅學費同生活費,馬時亨知道後,二話不說自掏腰包資助佢哋之外,仲立即連繫有心人,為佢哋成功籌措足夠學費同生活費,令佢哋最終夢想成真。至於馬時亨資助咗幾多錢,教大話多多少少只係一份心意。