網民熱話：「無證」大媽司機揸的士？唔識路發爛渣趕客落車

如果坐上一部的士，司機唔識路兼未有展示司機證，你是否覺得大有古怪？有網民貼文指今早(16日)坐的士時遇上一名大媽司機，對方唔識路之餘，更沒有展示的士司機證，最後更發惡趕乘客落車。事件引起網民關注，擔心有人無牌駕駛。

從發文者C M Adam Tang在Facebook群組「小心駕駛(討論別人駕駛態度)」貼文，指今早約11時乘搭的士時，遇上一名中年女司機，對方操內地口音，按行程原本是由灣仔道到天后，但對方竟然「唔識路」，「錯過兩個轉彎路口，又唔開導航，在詢問下又拒絕提供的士司機證，聲稱話係自己拎部車出嚟揸。」事主發現車廂內未有展示司機證，要求對方出示，結果反被趕落車，由於事主趕時間，最後惟有登上另一架的士離去。

網民看過事件後，認為司機行徑相當有可疑，「有機會係無牌駕駛」、「勁多冇的士牌嘅師奶新年嗰陣出嚟秘撈」，「咁嘅情況幾趕都好，其實應該報警。」亦有人認為趕乘客落車行為擺明理虧。

根據運輸署規定，的士及公共小巴司機在提供服務時，必須按規定在的士或公共小巴車廂內展示司機證，違者可被罰款2000港元。

網民有話說

Johnny Wong：大把的士放喺停車場冇人租，可能牌主親自上陣。

Ho Chan：佢可能係車主，不過冇的士牌，冇有效嘅駕駛執照等於無牌駕駛。

Cyrus Lam Lok Lok：呢啲司機絕種啦....車頭一部電話都冇...

King Wong：哇！做的士邊區打邊區都唔識，咁仲做咩的士？

※緊貼網民熱話，掌握最熱話題，請關注網民熱話fb：