政Whats噏:葛珮帆響應環保 重用利是封

20190217
東網電視
更多新聞短片
葛珮帆十分環保,重用利是封。(溫國佳攝)
今日(17日)係正月十三,唔知大家拆咗利是未?如果拆咗,啲利是封又點處理呢?立法會議員葛珮帆(EQ)見好多人拆完就掉咗啲利是封,覺得好浪費,於是上年農曆新年過後就收集舊利是封,並喺今年重用,結果一呼百應,共收集咗成一萬幾個利是封,經揀選後都有七至八成可以重用,即係7000至8000個仲用得,認真厲害!
咁多舊利是封都用得晒?EQ話會將最新最完整嘅利是封用嚟派,或者用嚟入「財神朱古力金幣」,至於較殘舊嘅就用嚟整吊飾,用喺地區辦事處上,例如畀啲家長同小朋友一齊整,所以表面上幾千個利是封好似好多,但其實都冇得剩。見EQ咁環保,唔知係咪完全唔使印新利是封?EQ就話都有印少少,主要係派畀街坊時用咁話。