車公顯靈？廚師腸強勢回歸　代理商承諾原汁原味

「廚師牌雞肉腸」美國生產商Zacky Farms去年尾申請破產後，令全球腸迷大為震驚，本港甚至鬧起「腸荒」，有人趁機高價炒賣。不過廚師腸香港代理商大昌行傳來喜訊，宣布廚師腸將「強勢回歸」！

大昌行星期一（18日）凌晨近1時在Facebook專頁「DCH ValleyChef」宣布︰「廚師腸好快就會返嚟啦」，強調會以原來的獨家配方，美國製造，保留原有的味道，又感謝一眾熱愛及支持廚師腸的粉絲。

貼文隨即吸引一眾腸迷大呼期待︰「冇咗廚師腸，已經唔想BBQ」、「有冇腸食靠你們了」、「幾驚啲回憶冇晒」、「唔使捱貴貨啦！」有部分網民則建議減鹽︰「可唔可以唔好整到咁鹹」、「出原味同健康版啦」。

有網民更笑言為車公顯靈，事關今年農曆大年初二時，鄉議局在沙田車公廟為香港求得第86號籤，籤文為：「石田為業喜非常，畫餅將來未見香；怎曉田耕耘不得，那知餅食不充腸。」有網民將籤文每句句尾的字眼抽出，便組成「常得香腸」。未料籤文不足一個月內已快速「應驗」。

早前廚師腸生產商申請破產後，不少凍肉舖的存貨一度被搶購一空，有舖頭其後加價至48港元一包，掀起一陣炒風。

---------------

《港呢啲》：大事小事騎呢事，東網嚴謹選題，輕鬆製作！