九巴壞腦:工會指系統不時故障 轟九巴孤寒唔肯換

20190218
東網電視
更多新聞短片
郭志誠指電腦設備殘舊,九巴的電腦派更系統故障近年不時出現。
九巴電腦派更系統故障,影響部分巴士服務。九巴僱員工會主席郭志誠今早(18日)向東網表示,近年九巴的電腦派更系統不時故障,只因派更系統所使用的電腦設備殘舊,經常因未能支援系統容量而故障,連累車長捱鬧。
他批評:「系統冇咩問題,但電腦硬件舊,電腦一支援唔到系統,車長就攞唔到路線表,佢哋都唔知揸去邊,開唔到車,一遲咗出車,車長就畀市民鬧。」他又提到部分新人不熟悉人手派更的運作,電腦系統一旦故障,就容易產生混亂。
郭又直斥九巴「孤寒」,批評公司寧願花錢建立形象,卻不願向內部運作投放資源,例如更新電腦設備。他直斥:「做騷嘅錢就捨得使,但對內部(需求)又唔捨得,我哋以往有要求過換電腦但冇回音,咁簡單但重要嘅嘢都唔捨得換,結果就苦了車長!」