政Whats噏：曾國衞去立法會　叫邊個做Madam？

立法會今日(18日)舉行新春午宴，設宴招待多名政府主要官員，入境處處長曾國衞傾談間，就講起有聽Madam意見，到底Madam係邊個呢？原來佢所講嘅就係曾任入境處處長嘅立法會議員葉劉淑儀。

曾國衞話自己當時好「細粒」，膊頭只得兩粒花，直言葉劉係佢好尊重嘅前輩，即使對方唔再係其上司，都繼續叫佢做Madam。另外，身型向來標準嘅曾國衞竟然話要開始減磅，事關新年食得多、運動少囉！