網民熱話：西裝友唔讓座畀長者 發文者公審反被起底
香港提倡禮讓，應常讓座予有需要的人，但不是人人都會去實踐。有網民昨(17日)上載一名西裝男於輕鐵上不情願讓坐予長者，但卻反被其他網民起底，指她曾留言表示「如果沒有須(需)要讓坐的人，自己就理應坐下吧！」
網民Mimi Cheung昨於Facebook透露乘搭輕鐵時，看見一名年約80歲的駝背婆婆站在西裝男子面前，該男子「扮看電話」。Mimi當時已要求對方讓座，但男子反問她為何有這麼多人，「點解叫我起身先？」雖然該男子最後有讓出坐位，但就向Mimi表示「你仲覺得你自己冇錯喎？我冇必要讓位！」而婆婆即說：「我比(畀)你坐返(番)啦，我唔坐了。」結果全車人都叫婆婆坐下，不需理會西裝男。Mimi最後更斥責對方「厚顏無恥」，又自稱是醫護人員，「要確保所有老人家安全沒有意外」。
不過，Mimi不久將發文刪除。有網民即時將Mimi起底，指她曾轉發早前一名失明男子讓出關愛座的新聞，並留言說：「香港人，如果沒有須(需)要讓坐的人，自己就理應坐下吧！愛人愛自己，是理所當然的行為，要懂得求變雙贏啊！」亦有人踢爆Mimi有大量「前科」，例如利用動物呃人錢及殘害動物等等。
網民有話說：
Max Ng：其實阿婆又唔係啞，佢真係有需要坐，佢自己會出聲。但從依篇文字，我睇法係，個阿婆恃老賣老囉！
Janis Li：以為自己好威，打篇文做正義X。依家畀人插，仲唔潛水咩？我想像到第時佢變咗老人家，人哋唔讓畀佢佢一定即刻XX人，一定係恃老賣老嗰啲X街！
天佑：成個車廂咁多位，都無人主動讓座。咁都唔反省吓？反而不斷去抽秤所謂的關愛座，係唔係一定要關愛座先會讓位？
Eddie Leun：又係做show囉，以為自己好X正義，貶低別人抬高自己，想人知佢人格高尚，最X憎呢啲人，最醜陋！
※緊貼網民熱話，掌握最熱話題，請關注網民熱話fb：