每日一片：天雨路滑急轉彎　直擊私家車疑跣胎剷石壆

天雨路滑，小心駕駛，雖然每個駕駛者都知，卻未必人人做到。近日網上流傳一段炒車片，片中一架私家車疑急轉彎跣胎失控，雖然司機一度扭軚救車，不過最終仍是失敗，剷上石壆180度翻轉。

事發於本周一(18日)早上約9時，從車Cam片段所見，當時一架黑色私家車沿沙田圍路右轉小瀝源路，疑因地面濕滑，右轉後突然失控，期間司機一度扭軚搶救，不過仍難控車輛去勢，最終剷上左邊石壆再全車翻側。意外後，私家車橫亘在路中，但未見司機自行爬出。事件中司機沒有受傷。

不少網民認為私家車車速不算太高，相信問題出於輪胎上，「其實司機駕駛無問題，可能係條胎出事」、「係咪用咗光頭胎？」「大部分人也不懂處理跣胎」。不過亦有人搞笑稱，出事原因是「粗心大意嘅街道」。