網民熱話：失魂司機車匙跌落坑渠　渠務工人挖泥拾回

香港社會一向予人冷漠的形象，周圍的人看起來對身邊事的發生都漠不關心。但其實在冷漠外表下，不少人都有一顆善心！昨日（21日）有網友不小心掉了車匙到坑渠中，在徬徨無助之際，卻獲幾位好心人的幫助，令他大受感動。

網民Cheung Sze Chun在Facebook群組「香港交通突發報料區」上載了幾張照片，並撰文講述經歷。昨日他駕車駛至九龍灣宏冠道附近時，想上廁所但找不到車位泊車，只好將車停靠在路邊。豈料落車的時候，不小心將車匙掉到坑渠中。

在不知所措下，他惟有打電話去渠務署求助：「當時真係唔知點算。打1823叫渠務署睇吓幫唔幫到手！佢話轉頭過嚟不過唔知要幾耐，無奈之下走去對面車房問好心人借咗條鐵線，睇吓勾唔勾到上嚟，結果都係勾唔到。」

當樓主放棄，回家取來備用匙時，渠務署派來的工人就到了：「四五個師傅過嚟幫我開蓋再用大鏟去搵，搵咗10分鐘左右，掘咗起碼2、30羹淤泥上嚟，又好仔細咁撥開啲泥睇吓有冇，超有耐性。」期間工人着他在旁等候：「仲怕整親我叫我行遠少少等。」最後終於成功找到車匙，對方用清水幫他清洗好，而車匙更出奇沒有損毀，「如果唔係要配過條新嘅可能要使幾千蚊」。

網民見此，都紛紛詢問他有沒有好好感謝工人們：「有冇請人飲茶？」「記得1823讚番佢哋」、「應該要佢哋編號，寫信讚揚佢哋」、「請飲嘢啦」、「有無封利是畀人呀？」不過就有人提醒大家：「公務員唔收得，畀同受都犯法，勿一錯再錯。」亦有人大讚工人們夠專業：「香港仲有啲好專業嘅人，抵讚」。

網民有話說：

Kenneth Sin：估唔到會幫手。

David Wong：下次小心啦，或者有冇位整條手繩？

Dickson Kwan：咁樣先係一個親民嘅政府

※緊貼網民熱話，掌握最熱話題，請關注網民熱話fb：