政Whats噏：房署禁反修例海報　尹兆堅稱只講政策

政府近日擬修訂《逃犯條例》，容許當局與未有和香港簽訂引渡協議的地方，用一次性個案方式拘捕同移交逃犯。其中立法會議員尹兆堅今日(22日)表示，日前想貼出反對有關修訂嘅海報，不過就畀房屋署禁止張貼，話佢呢張海報內容敏感，引起社會矛盾。

尹話原本諗住喺葵青、觀塘等多條邨貼呢張海報，但結果一張都貼唔到。尹仲話佢前幾日先同房署助理署長見過面，傾啲張貼海報嘅原則，當中講明如果海報唔指名道姓就冇問題，點知過幾日就話海報唔准貼，佢話海報只係講政策問題，符合張貼原則，大鬧房署政治審查。

尹又話所有社會議題都有正反兩面意見，質問係咪支持《逃犯條例》修例就貼得，反對就唔貼得？希望房屋署署長有一個合理解釋。