政Whats噏：入廉署做乜？　李永達拒回應耐人尋味

不時出入壹傳媒黎智英(漢奸黎)何文田寓所的民主黨前主席、前立法會議員李永達，本周二(19日)早上曾去過北角廉政公署總部，逗留不足半小時就離開，冇披露所謂何事。

李永達今日(23日)出席黨內活動時被問及日前點解入廉署，佢拒絕回應，不論係問到關於咩案件，或者入去係報案定係做其他事，佢都話「唔講得」，只係話入咗去好短時間，大概十幾至二十分鐘。究竟佢點解無端端要去廉署呢？入去搞邊科？認真耐人尋味。

查實李永達同漢奸黎關係千絲萬縷，就算冇做議員之後，依然多次被發現聯同其他泛民主派中人去漢奸黎嘅何文田寓所密會攪局，包括該黨創黨主席李柱銘(李漢奸)、前立法會議員何俊仁(AV仁)等。此外，李永達冇做議員後更周圍「?撈」，已經冇資格喺立法會發言嘅佢，去年曾聯同社民連前主席陶君行一齊喺網台開咪，幫黑社會人士搖旗吶喊、打鑼打鼓咁發聲，內容亂咁噏，詆毀人，惹人側目。