三屍命案：Fb遺言稱很累　「連明天都未必應付到」

西營盤發生的42歲姓羅及40歲姓陳夫婦攬子燒炭悲劇，羅早已在facebook透露遇到困難，上周二(19日)早上他發文稱「很累，可以點....係咪到此為止」。陳婦則回應「快到終點！等等。」晚上，羅再次發文，埋怨朋友將夫婦的遭遇當猴子戲睇，「我知道有啲人將我兩公婆現在嘅遭遇當成猴子戲睇，冇幫手唔緊要因為我明白每人都有難處；有啲人會將我WhatsApp cap圖畀其他人睇，呢個我真係唔明白點解要咁做。猴子戲依家要落幕啦，只係估唔到咁快。」

3日後的上周五(22日)，羅最後於發文指，「這幾天我和我太太收到好多朋友的WhatsApp問我哋發生咩事，唔好意思我有好多朋友的WhatsApp都冇回覆到因為我真係唔知點樣回覆你哋，希望冇被我回覆的朋友唔好介意。我明白正面思維好重要，但一個連明天都未必應付到嘅人你叫佢點樣正面思維諗一星期一個月一年之後嘅事。」

羅同時多謝朋友的支持及鼓勵，「好多謝一直叫我們兩公婆努力加油唔好放棄嘅朋友，如果我們真係過到呢一關的話，我們會逐一搵你哋出嚟食飯，尤其一啲好耐都冇見但係仍然WhatsApp我哋嘅朋友仔。」不少朋友留言叫他「加油，勇敢面對冇話唔得嘅，吃得苦中苦方為人上人」，有人則「為你們一家祈禱，願主賜下平安與安慰給你們。」豈料，昨日兩夫婦已與7歲兒子「皓皓」共赴黃泉。

羅似乎特別崇拜股神巴菲特，將其背景做facebook背景，更引用其名句：「如果你沒有找到一個當你睡覺時還能掙錢的方法，你將一直工作到死。」相信他欲急於找到賺錢的方法。另外，羅亦不時上載化妝品及保健品的資料，估計他閒時亦有做直銷。

中原地產發言人證實，女死者陳路得Hebe Chan生前在中原地產任職，最近一次入職日期為2018年11月，職級為持牌營業員，而初次入職日期為2015年，中原地產對事件感悲痛及難過。中原員工協會將聯絡其家人，望提供適切幫助。