政Whats噏:肚痛難擋 馮興禮廿幾歲才戒奶

20190228
東網電視
更多新聞短片
馮興禮如今「滴奶不沾」。(徐家浩攝)
初生嬰兒通常一歲前後開始戒奶,至於要戒幾耐就因人而異,勞工及福利局局長政治助理馮興禮(Henry)今日(28日)竟自爆讀完書,即係20幾歲才戒奶,原來佢喺外國讀書時成日肚痛,不過回港後先發現問題源自飲奶,所以先開始「戒奶」,時至今日可謂「滴奶不沾」,Henry仲話幼時身體比較能承受奶類飲品,大個咗開始唔得,好彩係飲珍珠奶茶就冇事,聽落都算有口福喇!
撇除奶類,Henry話食嘢好少跟健康餐單,冇刻意少油鹽糖,事關佢恃住運動量大,跑步、打網球、打西洋拳樣樣啱,每星期至少有兩日運動,唔使特別戒口,雖然間唔中都要出街食飯應酬,但消耗量夠大所以應付到。查實Henry話平時放工多數返屋企食飯,油鹽糖量都一定比出街食為低,整體都算食得健康。
講起注重飲食同健康,Henry仲大爆佢上司、勞福局副局長徐英偉最唔健康,唔單止有痛風,仲要每朝飲一罐汽水,話唔飲唔精神咁話!