每日一片：空降帆布遮擋風玻璃　貨車哥被迫「盲駕」

司機在馬路駕駛，清楚望到路面情況十分重要，如果開車期間突然「睇唔到路」，後果不敢想像。昨日（2月28日)網上流傳一段片段，片中一架貨車在公路行駛期間，一塊大型帆布突然吹向其擋風玻璃，幾乎完全遮擋司機視線，不少網民為司機抹一額汗外，更讚賞司機臨危不亂的駕駛態度。

拍得現場情況車Cam的資料顯示，事發於昨日下午約2時，當時一架泥頭車在公路行駛期間，車斗上帆布疑因「縛唔穩」突然鬆脫，並乘風勢吹往隨後的一輛貨車，幾乎將貨車擋風玻璃完全遮擋。不過貨車司機似乎經驗十足，繼續開車向前直駛，相信是等候適當位置才停車解下帆布。

不少網民讚賞司機臨危不亂態度，「換轉係我真係嚇到XX」、「蒙面駕駛，唔係個個得」。亦有網民慶幸被擋視線是一架貨車。「笠到應一應，如果笠咗架係電單車，都唔知點算」，亦有人指摘泥頭車司機疏忽，未有好好縛緊帆布，分分鐘「累死人」。