每日一片：P牌女司機「亂舞 」掃低膠柱　網民：飲醉咗？

女司機配上P牌，通常都令其他司機提高警覺。昨日(1日)一宗在將軍澳發生的事故，便令網民吃一驚。一名座駕掛上P牌的女司機在馬路上，先亂切線，再離奇越過對面線，險與對頭一架泥頭車相撞，情況驚險。

現場是將軍澳環保大道向將軍澳隧道方向，事發於昨日下午約5時，網民Ching Yu Li將車Cam片上載網上，更留言指：「硬Cut我條線，望咗一眼個女人，唔敢跟咁貼，下一秒，佢已經出咗事...」。

片段開始，原本在右邊快線行駛的事主突然發現一架灰色私家車從中線駛至，更在兩車極短距離下切線，隨後事主將車刻意拖慢，從後觀察，私家車一直沿快線上橋，期間在只有一條行車線的橋面，不斷輪流亮起示意切線的左右燈號，由於前面有一架重型車行駛，私家車車速並不太高，突然，在無任何先兆下，私家車竟撞上分隔路面的膠柱，再衝向對行線，險與一架迎頭駛至的泥頭車相撞。幸千鈞一髮之際，兩車及時閃避，避過意外。

不少網民大罵女司機累人累己，「呢個女人好恐怖啊，佢打燈好似打機咁」、「P牌+女人=自求多福」、「拎番個牌出嚟，呢個人太危險！」甚至有網民懷疑女司機是否「飲醉咗」、「藥駕」而失去自控能力。