政Whats噏︰民記橫額被恥笑 錯處入嚟齊齊搵!

20190305
東網電視
更多新聞短片
民建聯的橫額被發現有錯字。(何天成攝)
香港房屋問題嚴重,政府就話係土地問題,早前仲提出「明日大嶼」填海計劃,但計劃備受爭議。荃灣區議會今日(5日)開會,就「明日大嶼願景」進行討論,多個政團喺開會前到區議會請願。其中民建聯(民記)就展示多張寫上要求儘快展開「開日大嶼」相關研究嘅橫額。「開日大嶼」唔通係民記新建議?難怪同場嘅荃灣區議員譚凱邦(Roy)都叫佢哋解釋。
民記荃灣區議員古揚邦今日都在場,Roy見到佢哋張橫額即刻指住嚟笑,仲開咪大叫民記嘅人解釋咩叫「開日大嶼」。現場有人見狀一度想收起橫額,但就被古阻止。都係嘅,印錯嘅橫額就同潑出去嘅水一樣,收唔番㗎喇。
同樣都係民記荃灣區議員嘅立法會議員陳恒鑌,雖然橫額上印有佢個名,但人就不在場。佢話自己今日趕唔切去參與呢次請願,所以事前都冇審視到啲橫額,仲澄清佢哋橫額上所指嘅係「明日大嶼」,可能係同事搞錯咗,佢哋已經知錯,並向公眾致歉喎。